Мин хәзер гаиләм белән "Инсула" отелендә ял итәм. Бу безнең беренче тапкыр монда булуыбыз, һәм гомумән алганда бик канәгать калдык. Килүгә үк безне тиз арада урнаштырдылар, озак көттермәделәр — бу зур плюс, бигрәк тә балаларың белән булганда.

Номерыбыз зур, чиста, бар да эшли, кондиционер да, душ та яхшы хәлдә. Уборка һәр көнне үткәрелә, бик пөхтә эшлиләр, рәхмәт аларга. Башта кайбер әйберләр ошап бетмәде, бәлки юл аруы сәбәпледер, әмма хәзер барысы да канәгать — ризыклар тәмле, төрлелеге дә җитәрлек. Ашханәдә официантлар бик эшчән — йөгереп кенә йөриләр, һәрвакыт елмаеп, ихтирам белән хезмәт күрсәтәләр.

Барда эшләүче егетләр һәм кызлар турында аерым әйтеп үтәсем килә — барменнар бик игътибарлы, нәрсә кирәк — шунда ук әзерлиләр, хәтта кайвакыт сүз әйтергә дә өлгермисең. Мондый мөнәсәбәт күңелгә бик хуш килде.

Анимация исә гомумән аерым тема. Без гаиләбез белән ул программанын зур фанатларына әйләндек. Алып баручы егет белән хәтта дуслашып та беттек — һәркөнне килеп хәлеңне сорый, шаярта, кәефне күтәрә. Анимация программалары кызыклы, төрле, күңелсезләнергә вакыт юк. Балаларга да, өлкәннәргә дә яраклы чаралар күп.

Коллектив бик ачык, һәрвакыт елмаеп торалар, ярдәмчелләр. Бер көнне бөтен гаилә белән банан катамаранына утырдык — онытылмаслык мизгелләр! Балалар чыр-чу килеп сөенде, без үзебез дә яшь чакка кайткандай булдык.

Гомумән, отель безнең гаилә өчен бик яхшы вариант булып чыкты. Монда җылы атмосфера, яхшы хезмәт күрсәтү, һәм иң мөһиме — күңелле вакыт уздыру өчен барлык шартлар тудырылган. Кемгәдер киңәш итәргә кирәк булса — икеләнмичә "Инсула"ны тәкъдим итәм!